გუშინ, იტალიურ მედიაში გავრცელებული ინფორმაციის თანახმად, დიდიე დროგბა “ბოლტონთან” შეხვედრაში, “სტემფორდბრიჯზე” “ჩელსის” მოთამაშის რანგში ბოლოჯერ უნდა გასულიყო, მერე კი, როცა ჩემპიონთა ლიგის ფინალსაც მოილევდა, “მილანში” 22 მილიონ ევროდ წავიდოდა, თუმცა გუშინ, ეს ინფორმაცია კარლო ანჩელოტიმ უარყო. -დროგბას შესახებ ვერაფერს გეტყვით. ტრანსფერი რომ განხორციელებული არ არის, ზუსტად ვიცი, ისევე, როგორც რონალდინიოს ტრანსფერი. ჩემი აზრი თუ გაინტერესებთ, დროგბაზე მეტად ამაური მომწონს და იმის მიუხედავად, რომ მისი დამატების შანსი მცირეა, ჩვენ ბრაზილიელის ყიდვას მაინც ბოლომდე ვეცდებით, - განაცხადა ანჩელოტიმ.