“ჩელსის” ლიდერები დიდიე დროგბა და ჯონ ტერი გულშემატკივრებს შეპირდნენ, რომ “მანჩესტერ იუნაიტედთან” გასამართ ჩემპიონთა ლიგის ფინალური მატჩისთვის მზად იქნებიან. ორივე ფეხბურთელმა ტრავმა კვირას “ბოლტონის” წინააღმდეგ გამართულ თამაშში მიიღეს ტრავმა. ტერიმ იდაყვი დაიზიან, а დროგბმა - მუხლი. L’Equipe–თან ინტერვიუში ივუარიელმა ფორვარდმა თქვა, რომ მზად არის მოსკოვში სათამაშოდ. მას ჯონ ტერის თამაშშიც ეჭვი არ ეპარება. “რეალურად, კვირას მე ვიგრძენი ტკივილი მუხლში, რომელიც დეკემბერიდან მაწუხებს. მაგრამ ყინული ჩქარა მიმადეს. არ მგონია, რომ უმნიშვნელო ტრავმა ხელს შემიშლის ვარჯიშში”. “ჯონსაც ველაპარაკე. ის ითამაშებს მოსკოვში. არავის არ სურს ასეთ თამაშის გამოტოვება”.

ლონდონის “ჩელსის” მეკარე პეტერ ჩეხი, კლუბის ხელმძღვანელობისგან ხელფასის მომატებას ითხოვს. ამის შესახებ, ბრიტანული გამოცემა The Sun-ი იუწყება. ამჟამად, ჩეხეთის ეროვნული ნაკრების მეკარე, რომელსაც კლუბთან კონტრაქტი ორი წლის შემდეგ უმთავრდება, კვირაში 50000 ფუნტს იღებს . ჩეხის მენეჯერ პაველ ზიკას თქმით, მისი კლიენტის გადაბირება საკმაოდ სოლიდურ კლუბს სურს. “ძალიან სერიოზული კლუბი მზად არის, ჩეხის სანაცვლოდ, 32 მილიონი ფუნტი გადაიხადოს. ჩვენ ყურადღებით შევისწავლით მის კონტრაქტს და გადავწყვეტთ, შეიძლება, თუ არა შეთანხმების გადახედვა”, – განაცხადა ზიკამ.

ინგლისის “ჩელსის” მთავარი მწვრთნელის აბრაამ გრანტის მომავალი, პარასკევს გაირკვევა. ამის შესახებ, ბრიტანული გამოცემა The Sun-ი იუწყება. გრანტი პარასკევს კლუბის მეპატრონე რუს ოლიგარქ რომან აბრამოვიჩს შეხვდება და სწორედ ამ აუდიენციის დროს გადაწყდება, გააგრძელებს, თუ არა ებრაელი სპეციალისტი მომავალ სეზონში “ჩელსის” თავკაცობას. სეზონის დასაწყისში, “ჩელსის” მთავარი მწვრთნელი პორტუგალიელი ჟოზე მაურინიო იყო, რომელიც გუნდიდან გასული წლის შემოდგომაზე გაუშვეს. იგი გრანტმა შეცვალა, რომელიც მანამდე, ლონდონელთა მეორე მწვრთნელი იყო. ახალი დამრიგებლის ხელში, “ჩელსიმ” პრემიერლიგაში მეორე ადგილი დაიკავა და ჩემპიონთა ლიგის ფინალში გავიდა, სადაც 21 მაისს, მოსკოვში, “მანჩესტერ იუნაიტედს” შეხვდება.