ლონდონის “ჩელსის” კაპიტანი ჯონ ტერი ჩემპიონთა ლიგის ფინალურ მატჩში “მანჩესტერ იუნაიტედთან” მარცხზე პასუხისმგებლობას საკუთარ თავზე იღებს და გამოუყენებელი პენალტის გამო ბოდიშს იხდის.
ფეხბურთელმა “ჩელსის” გულშემატკივრებს, ხელმძღვანელობას, მწვრთნელსა და თანაგუნდელებს ღია წერილით მიმართა, რომელიც კლუბის ოფიციალურ ინტერნეტ-გვერდზე გამოქვეყნდა.
“მინდა ბოდიში მოვუხადო “ჩელსის” ყველა გულშემატკივარს, ჩემს თანაგუნდელებს, მწვრთნელს და კლუბის თანამშრომლებს, გამოუყენებელი პენალტის გამო, რომელმაც მათ ჩემპიონთა ლიგის მოგების საშუალება არ მისცა. ბევრი მიიჩნევს, რომ არაფერი უნდა ვთქვა, თუმცა, მე სხვაგვარად ვფიქრობ. ის მომენტი მუდმივად თვალწინ მიდგას. მას შემდეგ სულ რამდენიმე საათი მეძინა, ხოლო როცა ვიღვიძებ, იმედი მაქვს, რომ ეს მხოლოდ ცუდი სიზმარია. ახლა გულშემატკივრები, გუნდის ამჟამინდელი თუ ყოფილი ფეხბურთელები, ოჯახი და მ ... წაიკითხე სურათები

ლონდონის “ჩელსის” ყოფილმა თავკაცმა ჟოზე მაურინიომ თავის მემკვიდრეს, გუნდიდან აწ უკვე დათხოვნილ აბრაამ გრანტს, ხელმოცარული მწვრთნელი უწოდა.
ამის შესახებ ინტერნეტ-გამოცემა Goal-ი იტყობინება.
“ჩემი ფილოსოფიით, სიტყვა “თითქმის” ფეხბურთში მარცხს ნიშნავს. მან თითქმის მოიგო ჩემპიონთა ლიგა, პრემიერლიგა და ლიგის თასი, თუმცა, თითქმის - ეს არაფერია. გუნდი ტიტულის გარეშე დარჩა, რაც იმას ნიშნავს, რომ სეზონი წარუმატებელი იყო. მაგრამ ხელმოცარული ადამიანის ფილოსოფიით, ამ სეზონს შეიძლება კარგი ეწოდოს” - განაცხადა მაურინიომ.
აბრაამ გრანტმა მაურინიო “ჩელსის” მთავარი მწვრთნელის თანამდებობაზე გასული წლის სექტემბერში შეცვალა, მაგრამ სეზონის ტიტულის გარეშე დასრულების გამო, ებრაელი სპეციალისტი გუშინ კლუბიდან გაათავისუფლეს.