ინგლისის “ჩელსის” ნახევარმცველი ფრენკ ლამპარდი, რომელმაც ჩემპიონთა ლიგის ნახევარფინალურ შეხვედრაში “მანჩესტერ იუნაიტედის” კარში საპასუხო გოლი გაიტანა, თუმცა მისი გუნდი მატჩისშემდგომი თერთმეტმეტრიანების სერიაში დამარცხდა, მიიჩნევს, რომ “ჩელსიმ” მეტოქეს თამაშით აჯობა და გამარჯვებასაც მათზე მეტად იმსახურებდა.
ამის შესახებ, ლამპარდმა უეფა-ს ოფიციალურ საიტს განუცხადა.
“ძალიან გულდაწყვეტილი ვარ, რადგანაც თამაშის ბედი უმცირესმა დეტალმა გადაწყვიტა. ჯონ ტერის ფეხი დაუცდა და თერთმეტმეტრიანი ააცილა. ვფიქრობ, გამარჯვებას ვიმსახურებდით და ამას ვერავინ უარყობს – ჩვენ “მანჩესტერზე” ძლიერად გამოვიყურებოდით და მეტოქეს თამაშით ვაჯობეთ.
რაც შეეხება ტერის, ის ადამიანია და მის გალანძღვას არავინ აპირებს. იმედი მაქვს, ტერი ამ მომენტს გადაიტანს და მალე ისევ ძველი ტერი იქნება. ჩვენ ყველანი გავძლიერდებით, რადგანაც ეს, ხასიათში გვაქვს”, – თქვა ნამატჩევს ფრენკ ლამპარდმა.