ლონდონის “ჩელსის” მთავარ მწვრთნელს აბრაამ გრანტს, გუნდის უკრაინელი ლეგიონერის ანდრეი შევჩენკოს მიღწევები ახარებს.
ამის შესახებ, საფეხბურთო კლუბ “ჩელსის” გულშემატკივართა ოფიციალური ვებ-გვერდი იუწყება.
“შევჩენკოს უცნაური სეზონი ჰქონდა. მან ჩემპიონატი არცთუ წარმატებით დაიწყო, მაგრამ უკანასკნელი რამდენიმე კვირის განმავლობაში კარგად გამოიყურებოდა. თუ მის მიერ მოედანზე გატარებულ წუთებს გავითვალისწინებთ, შეგვიძლია ვთქვათ, რომ შევჩენკომ გოლები საკმარისად გაიტანა. მისი მიღწევები მახარებს, რადგან იგი შესაძლოა, მოსკოვში, ლიგის ფინალში დაგვჭირდეს” - განაცხადა გრანტმა.
ინგლისის პრემიერლიგის ბოლო ტურში, “ბოლტონის” წინააღმდეგ მატჩში, რომელიც 1:1 დასრულდა, უკრაინელი მოედანზე მეორე ტაიმში შეცვლაზე შევიდა და გოლი გაიტანა.
წყარო:msofsport.com
|
