ინგლისური “ჩელსის” თავდამსხმელი დიდიე დროგბა დარწმუნებულია, რომ მუხლის ტრავმა ჩემპიონთა ლიგის ფინალურ მატჩში მონაწილეობაში ხელს არ შეუშლის. ამის შესახებ ბრიტანული გამოცემა The Sun-ი იტყობინება. “კლუბის სამედიცინო შტაბი შეშფოთების საფუძველს ვერ ხედავს, ჩემპიონთა ლიგის ფინალამდე გამოჯანმრთლებას მოვასწრებ” – აცხადებს კოტ დივუარელი ფეხბურთელი. დროგბამ მუხლი პრემიერლიგის ბოლო ტურში “ბოლტონთან” შეხვედრაში დაიზიანა. ჩემპიონთა ლიგის ფინალური შეხვედრა “ჩელსისა” და “მანჩესტერ იუნაიტედს” შორის 21 მაისს, მოსკოვში გაიმართება.