ლონდონის “ჩელსიმ” პორტუგალიის ფეხბურთელთა ეროვნული ნაკრებისა და “პორტუს” მცველ ჟოზე ბოსინგვასთვის ბრძოლაში “მანჩესტერ იუნაიტედს” აჯობა. როგორც Sky Sports-ი იტყობინება, მხარეებს შორის შეთანხმება მიღწეულია. 25 წლის ფეხბურთელის ტრანსფერი “არისტოკრატებს” 15,8 მილიონი ფუნტი დაუჯდათ. გამოცემის ინფორმაციით, აღნიშნულთან დაკავშირებით ოფიციალური განცხადება ორშაბათს გაკეთდება. თავად ბოსინგვა კომენტარისგან ჯერჯერობით თავს იკავებს. ჟოზე ბოსინგვა “პორტუში” 2003 წელს “ბოავიშტადან” გადავიდა, ხოლო ეროვნულ ნაკრებში მისი დებიუტი 2007 წელს შედგა და მას შემდეგ ფეხბურთელმა ქვეყნის უპირველეს გუნდში 6 მატჩი ჩაატარა.
|