ლონდონის “ჩელსისა” და ბრაზილიის ფეხბურთელთა ეროვნული ნაკრების მცველი ჟულიანუ ბელეტი, შესაძლოა, ზაფხულის სატრანსფერო პერიოდში ესპანეთში დაბრუნდეს, სადაც ადრე “ბარსელონას” ღირსებას იცავდა.
ამის შესახებ, საფეხბურთო ინტერნეტ-გამოცემა Transfermarketweb-ი იუწყება.
სავარაუდოდ, 31 წლის მცველი, “ჩელსიში”, ესპანეთის ეროვნული ნაკრებისა და “ვალენსიას” თავდამსხმელის დავით ვილიას გადასვლასთან დაკავშირებული გარიგების ნაწილი გახდება.
კერძოდ, “ჩელსი”, ვილიას ტრანსფერის ღირებულების ნაწილს თანხით დაფარავს და თან “ვალენსიას” ბელეტისაც დაუთმობს.
მიმდინარე სეზონში, ბრაზილიელმა “ჩელსის” რიგებში 23 მატჩი ჩაატარა და 2 გოლი გაიტანა.
2006 წელს ბელეტიმ “ბარსელონასთან” ერთად ჩემპიონთა ლიგა მოიგო და “არსენალთან” ფინალურ შეხვედრაში გადამწყვეტი გოლი გაიტანა.
აღნიშნულ მატჩში ესპანელებმა 2:1 გაიმარჯვეს.
|
