მთავარი » 2008»მაისი»2 » გრანტმა მონაწილეობა “სიცოცხლის მარშში” მიიღო
გრანტმა მონაწილეობა “სიცოცხლის მარშში” მიიღო
19:13
წარმოშობით ებრაელმა, ინგლისის “ჩელსის” მთავარმა მწვრთნელმა აბრაამ გრანტმა მონაწილეობა მიიღო “სიცოცხლის მარშში”, რომელიც ყოველ წელს პოლონეთში, გერმანელი ნაცისტების ყოფილი საკონცენტრაციო ბანაკის ადგილზე - აუშვიცეში იმართება. ამის შესახებ, ბრიტანული გამოცემა Daily Telegraph-ი იუწყება. ჩემპიონთა ლიგის ფინალის საგზურის მოპოვების დღეს, გრანტი ოჯახთან ერთად პოლონეთში გაემართა და “სიცოცხლის მარშის” 8000 მონაწილეს შეუერთდა. აღსანიშნავია, რომ მეორე მსოფლიო ომის დროს, გრანტის მამა, საკონცენტრაციო ბანაკის პატიმარი იყო. “ჩემს მშობლებს ბევრ რამეში ვემადლიერები. ამაზე საუბარი არ მიყვარს, მაგრამ მამაჩემი ებრაელების გენოციდის დროს ცოცხალი გადარჩა. ის ყველაზე ძლიერი და ოპტიმისტი ადამიანი იყო, რომელსაც ოდესმე შევხვედრივარ. მან მშობლები და დები დამარხა, მაგრამ საკუთარ თავში წინსვლისთვის ძალები იპოვნა” - განაცხადა გრანტმა.
წარმოშობით ებრაელმა, ინგლისის “ჩელსის” მთავარმა მწვრთნელმა აბრაამ გრანტმა მონაწილეობა მიიღო “სიცოცხლის მარშში”, რომელიც ყოველ წელს პოლონეთში, გერმანელი ნაცისტების ყოფილი საკონცენტრაციო ბანაკის ადგილზე - აუშვიცეში იმართება.