მთავარი » 2008»ივნისი»8 » “ჩელსიმ” “მილანს” დროგბასთან მოლაპარაკების უფლება მისცა
“ჩელსიმ” “მილანს” დროგბასთან მოლაპარაკების უფლება მისცა
20:34
ლონდონის “ჩელსის” ხელმძღვანელობამ “მილანს” კოტ დივუარელ ფორვარდ დიდიე დროგბასთან მოლაპარაკების წარმოების ნება დართო, ხოლო ანდრეი შევჩენკოს ტრანსფერზე უარი უთხრა. ამის შესახებ იტალიური გამოცემა La Gazzetta dello Sport-ი “მილანის” ვიცე-პრეზიდენტ ადრიანო გალიანის სიტყვებზე დაყრდნობით იტყობინება. “ლონდონელებმა დროგბასთან მოლაპარაკების უფლება მოგვცეს, ხოლო შევჩენკოსთან მიმართებაში საქმე სხვაგვარადაა - “ჩელსი” მის გაყიდვაზე უარს ამბობს. ანდრეისთან დაკავშირებით ინგლისური კლუბის ამგვარი გადაწყვეტილება ჩვენთვის სამწუხარო სიახლეა” - აცხადებს გალიანი. გავრცელებული ინფორმაციით, ლონდონის “ჩელსი” დიდიე დროგბას ტრანსფერში 30 მილიონ ევროს ითხოვს.
