ინგლისურ კლუბებს - “მანჩესტერ იუნაიტედისა” და “ჩელსის” შორის ჩემპიონთა ლიგის ფინალური მატჩის განსჯა, უეფამ 40 წლის სლოვაკ არბიტრ ლუბოშ მიხელს მიანდო. როგორც უეფას ოფიციალური ინტერნეტ-გვერდი იტყობინება, მიხელს ასისტენტობას მისივე თანამემამულეები, რომან სლისკო და მარტინ ბალკო დაეხმარებიან, ხოლო სარეზერვო მსაჯის ფუნქციებს ვლადიმირ ჰრინაკი შესრულებს. ჩემპიონთა ლიგის ფინალური მატჩი ოთხშაბათს, 21 მაისს, მოსკოვში სტადიონ “ლუჟნიკებზე” გაიმართება. ლუბოშ მიხელი 2003 წელს, პორტუგალიურ “პორტუსა” და შოტლანდიურ “სელტიკს” შორის, უეფას თასის ფინალურ შეხვედრას მოემსახურა.
ლონდონის “ჩელსის” კარის დარაჯი პეტერ ჩეხი “მანჩესტერ იუნაიტედისგან” ჩემპიონთა ლიგის ფინალურ მატჩში სიურპრიზებს არ ელის და აცხადებს, რომ შეხვედრის უდიდესი მნიშვნელობა მასზე ფსიქოლოგიურად უარყოფით გავლენას არ ახდენს. ამის შესახებ ინტერნეტ-გამოცემა Goal-ი იტყობინება. “ჩვენი გულშემატკივრები კმაყოფილები ნამდვილად არ იქნებიან, თუკი შესანიშნავ თამაშს ვაჩვენებთ, მაგრამ ჩემპიონთა ლიგის თასს ვერ მოვიგებთ. ამის მაგალითად “ლივერპული” გამოდგება, რომელმაც ბრწყინვალედ იასპარეზა, თუმცა, ტიტულის გარეშე დარჩა. მთავარი გამარჯვებაა და ამისთვის ყველაფერს გავაკეთებთ. “მანჩესტერ ინაიტედთან” მატჩში სიურპრიზებს არავინ ელის, რადგან ჩვენ ხშირად ვხვდებით ერთმანეთს მოედანზე” - აცხადებს ჩეხი. ჩემპიონთა ლიგის ფინალში “ჩელსისა” და “მანჩესტერ იუნაიტედის” დაპირისპირება 21 მაისს, მოსკოვში გაიმართება.
1959. ინგლისის ეროვნული ნაკრების რიგებში 1966 წლის მსოფლიოს ჩემპიონის, ჯიმი გრივზის დებიუტი შედგა. იმ მატჩში, ინგლისელები პერუს გუნდთან დამარცხდნენ (1:4).
1961. თბილისის “დინამომ” საერთაშორისო ამხანაგურ მატჩში, ბირმინგემის “ასტონ ვილას” 2:0 მოუგო. შეხვედრა თბილისში ჩატარდა. ორივე გოლი ზაურ კალოევმა გაიტანა.
1977. ტურინის “იუვენტუსმა” UEFA-ს თასის გათამაშების ფინალის განმეორებით მატჩში, ბილბაოში “ატლეტიკოსთან” 1:2 წააგო, მაგრამ პირველი შეხვედრა 1:0 ჰქონდა მოგებული და საპატიო პრიზი მოიპოვა. პაექრობა ბილბაოს “სან მამესის” სტადიონზე ჩატარდა და მას 43 ათასი მაყურებელი დაესწრო.
1981. ამერიკელმა მძლეოსანმა რობერტო ნეჰემიამ 110 მეტრი თარჯრბენით პირველმა გაირბინა 13 წამზე ნაკლებ დროში.
1983. ბრიუსელის “ანდერლეხტმა” UEFA-ს თასის გათამაშების ფინალის განმეორებით მატჩში, ლისაბონში “ბენფიკასთან” 1:1 ითამაშა (პირველი შეხვედრა ბელგიელ
... წაიკითხე სურათები
კლოდ მაკელელეს ეჭვი არ ეპარება იმაში, რომ ჩემპიონთა ლიგაში გამარჯვება “ჩელსის” მსოფლიოში პატივისცემას მოუტანს.
მაკელელეს ამის განსასჯელათ საკმაოდ დიდი გამოცდილება აქვს - მას ჩემპიონთა ლიგის შვიდ ნახევარფინალურ მატჩში აქვს ნათამაშები და მოიგო კიდევაც სანატრელი ტიტული “რეალთან” ექვსი წლის წინ.
ეხლა კი ფრანგი იმედოვნებს, რომ შეძლებს “მანჩესტერ იუნაიტედის” დამარცხებას მოსკოვში. მთელ თავის გამოცდილებას ის იმისთვის მოიხმარს, რომ “ჩელსიმ” პირველად მოიპოვოს ეს სანატრელი თასი.
“იმ დროს მადრიდის “რეალი” მსოფლიოში საუკეთესო გუნდი იყო - და როგორც კლუბს მას ყველა პატივს სცემდა”, - აცხადებს საკუთარ მოსაზრებას ესპანუღი გრანდის 2002 წელს მომხდარი ტრიუმფის შესახებ.
“ხალხი ხედავს გამარჯვებულებს და მათ ესმით: “ეს დიდებული გუნდია”. მახსოვს, ყველა კლუბს, რომელსაც უწევდა “რეალის” წინააღმდეგ თამაში ეშინოდათ”.
“მათ იცოდნენ, რომ დამარცხდებო
... წაიკითხე სურათები
ეს არის ვიდეო ჩეპმპიონთა ლიგის 50 წლიან ისტორიაზე.
შესულია ყველა ფინალის მიმოხილვა კომენტარები იმ მატჩში მონაწილე ფეხბურთელების კომენტარები და ძაან ბევრი სხვა რამე. მოკლედ ვისაც საერთოდ ჩემპიონთა ლიგა აინტერსებს ამ ვიდეოს გამაზვა არ იქნება.მალე ჩვენც შევემატებით
მალუდა ლონდონურ ჩელსიში საფრანგეთის ლიგიდან ვარსკვლავის სტატუსით გადავიდა. 2006-2007 წლის სეზონში იგი ჩემპიონატის საუკეთესო ფეხბურთელად აღიარეს, მაგრამ მაღალ დონეზე თამაში ჩელსიში მან მაინც ვერ შეძლო. ჯერ არ არის ცნობილი, შეიცვლის თუ არა მალუდა გუნდს ზაფხულში, მაგრამ კანდიდატებს შორის უკვე ლივერპულიც დომინირებს. "მე ძალიან გამიკვირდება თუ მალუდა წითლებში გადავა, შარშანდელის შემდეგ, როცა მან მათ წინადადებაზე უარი თქვა. არსენალი? მე გუშინ შევხვდი არსენ ვენგერს, მაგრამ ეს არანაერად არ იყო დაკავშირებული მალუდასთან" - განაცხადა ფეხბურთელის აგენტმა.
ლონდონის “ჩელსის” ფრანგი ნახევარმცველი კლოდ მაკელელე თვლის, რომ ჩემპიონთა ლიგის ფინალის მოგებით, მისი გუნდი ევროპაში პატივისცემას მოიპოვებს.
ამის შესახებ, ბრიტანული სპორტული გამოცემა Sky Sports-ი იუწყება.
“ხალხი უყურებს გამარჯვებულებს და ამბობს - ეს “დიდი” გუნდია. ასე იყო მადრიდის “რეალში”, თუ მოიგებდი მაშინ შეგაქებდნენ, წინააღმდეგ შემთხვევაში... ამაზე არც კი ვფიქრობდით. ჩემპიონთა ლიგაში გამარჯვებით, “ჩელსიმ” ის პატივისცემა უნდა დაიმსახუროს, რომელიც გუნდს საერთაშორისო ასპარეზზე არ ყოფნის. მომავალი მატჩი “არისტოკრატებისთვის” ევროპის მასშტაბით “დიდ” კლუბად გადაქცევის სიმბოლო უნდა გახდეს” - განაცხადა მაკელელემ.
ფრანგი “ჩელსის” რიგებში ერთადერთი ფეხბურთელია, რომელსაც ჩემპიონთა ლიგის ტურნირი აქვს მოგებული.
ამ წარმატებას მან 6 წლის წინ, მადრიდის “რეალთან” ერთად მიაღწია.
უკრაინის ფეხბურთელთა ეროვნული ნაკრებისა და ლონდონის “ჩელსის” ფორვარდმა ანდრეი შევჩენკომ, მომავალი სეზონიდან, შესაძლოა, თურქულ “ფენერბახჩეში” ითამაშოს.
როგორც თურქული გამოცემა Fotomac-ი იტყობინება, “ფენერბახჩეს” ხელმძღვანელობამ, უკრაინელ ფეხბურთელთან პირადი კონტრაქტის დეტალები, უკვე შეათანხმა და ამჟამად, საკომპენსაციო თანხის თაობაზე აწამოებს მოლაპარაკებას ინგლისურ კლუბთან.
ინგლისის “ჩელსის” მთავარი მწვრთნელი აბრაამ გრანტი მიიჩნევს, რომ ინგლისის პრემიერლიგის დასკვნით ტურში, “მანჩესტერ იუნაიტედს” “უიგანის” დამარცხებაში მსაჯი დაეხმარა.
ამის შესახებ, გრანტმა Reuters განუცხადა.
“ინგლისში ძალიან მაღალი დონის მსაჯები არიან, მაგრამ არიან ისეთებიც, რომლებიც შედეგზე გავლენას ახდენენ. ვფიქრობ, “უიგანთან” მატჩში, მსაჯს სქოულზი უნდა გაეძევებინა, “მანჩესტერის” კარში კი თერთმეტმეტრიანი დაენიშნა. არ მიმაჩნია, რომ “ჩელსის” წინააღმდეგ შეთქმულებას ჰქონდა ადგილი, მაგრამ მსაჯი “მანჩესტერის” სასარგებლოდ ხშირად ცდებოდა”, – განაცხადა გრანტმა.
წყარო:msofsport.com
საფეხბურთო კლუბ ლონდონის "ჩელსის" გოლკიპერმა პეტერ ჩეხმა, უარყო გავრცელებული ჭორები მისი შესაძლო სხვა გუნდში გადასვლაზე. ასეთ ხმებს მან აზრმოკლებული უწოდა.
"გუშინ მრავალმა მაღალ ტირაჟიანმა გაზეთმა გამოაქვეყნა სტატიები იმის შესახებ, რომ მე შესაძლოა დავტოვო ლონდონი. დღეს მე ვამბობ, რომ ეს გამორიცხულია და სხვა გუნდში გადასვლა ჩემს გეგმებში არ შედის. ამ მომენტისთვის ყველა ჩემი ფიქრი მოსკოვის ფინალისკენაა დაკავშირებული. ვიმედოვნებ, რომ ჩვენ წარმატებულად დავასრულებთ სეზონს. ჩვენ ლიგაზე ვაჩვენებდით შესანიშნავ ფეხბურთს და ღირსებიც ვართ ამ ტროფეის მოპოვებისა. მე ბედნიერი ვარ აქ. მშვენიერი შინაური გარემო და ასევე ხელმძღვანელობის ყურადღება გვიქმნის შესანიშნავ სავარჯიშო ატმოსფეროს. ჩემი ოჯახი კი კარგად არის მოწყობილი ლონდონში და საცხოვრებელი ადგილის შეცვლა ნამდვილად არ მსურს." - განაცხადა ჩეხმა მეკარემ.