ინგლისის “ჩელსის” ჩეხი მეკარე პეტარ ჩეხი ამბობს, რომ მისი გუნდი ვალდებულია, წინა ჩემპიონთა ლიგის ნახევარფინალებში განცდილი მარცხებისთვის რევანში აიღოს და წლევანდელი ლიგის ნახევარფინალის განმეორებით შეხვედრაში “ლივერპული” დაამარცხოს, რითაც ფინალში თამაშის უფლებას მოიპოვებს. ამის შესახებ მან The Sun-ს განუცხადა. “წარსულ წლებში ჩემპიონთა ლიგაზე “ლივერპულისგან” განცდილი მარცხები ჩვენთვის კარგი სტიმული იქნება. ამის შესახებ ადრეც არაერთხელ გვითქვამს. დღეს მოედანზე გავალთ და დავამტკიცებთ, რომ ფინალში თამაშს ვიმსახურებთ” - ამბობს ჩეხი.
