ინგლისის “ჩელსის” მთავარი მწვრთნელი აბრაამ გრანტი, “ლივერპულთან” ჩემპიონთა ლიგის ნახევარფინალის განმეორებითი შეხვედრის წინ, აცხადებს, ერთ-ერთი გრანდად ყოფნისთვის, ჩემპიონთა ლიგის ფინალში თამაშია აუცილებელი.
გრანტმა უეფას ოფიციალური საიტისთვის მიცემულ ინტერვიუში ისიც აღნიშნა, რომ პირველი შეხვედრის შედეგი 1:1, სრულიად სამართლიანია. ერთი კვირის წინ გამართულ მატჩში, “ლივერპული” 95-ე წუთამდე 1:0-ს იგებდა, მსაჯის მიერ დამატებულ მე-5 წუთზე კი ლივერპულელმა მცველმა იონ-არნე რიისემ, თავით ავტოგოლი გაიტანა.
 ყველა ოცნებობს ჩემპიონთა ლიგის მოგებაზე. ჩვენ, განსაკუთრებით კი მე, ფინალში გასასვლელად ძალიან დიდი გზა გავიარეთ. ჩვენი საბოლოო მიზანიც ყველასთვის ნათელია. გვსურს, ერთ-ერთი გრანდი ვიყოთ, საამისოდ კი ჩემპიონთა ლიგის ფინალში თამაშია აუცილებელი. პირველ შეხვედრაში ანგარიში მატჩის მიწურულს გავათანაბრეთ, რადგანაც მეტოქეზე ძლიერად ვთამაშობდით. შეგიძლიათ კიდევ დიდხანს ისაუბროთ ამ თემაზე, მაგრამ ანგარიში მაინც 1:1 დარჩება” - დაასკვნა გრანტმა.