ლონდონის “ჩელსის” ხელმძღვანელობა, უახლოეს ხანში, ნახევარმცველ ფრენკ ლამპარდს ახალ სამწლიან კონტრაქტს შესთავაზებს, გაუმჯობესებული ფინანსური პირობებით. ამის შესახებ, ბრიტანული გამოცემა Daily Mirro-ი იუწყება. ახალი ხელშეკრულების თანახმად, ლამპარდი კვირაში ანაზღაურების სახით 130 000 ფუნტს მიიღებს, იმდენს, რამდენსაც ჯონ ტერი. ინგლისელ ფეხბურთელს “ჩელსისთან” კონტრაქტი ერთი წლის შემდეგ უმთავრდება და კლუბის ხელმძღვანელობა შიშობს, რომ იგი “სტემფორდ ბრიჯს” დატოვებს, რათა მილანის “ინტერს” მიაშუროს.