ახალგაზრდა ფრანგი სპეციალისტი დიდიე დეშამი ადასტურებს, რომ ლონდონის “ჩელსის” ხელმძღვანელობა, გუნდის მთავარი მწვრთნელის პოსტზე მის კანდიდატურას განიხილავს.
ამის შესახებ, ბრიტანული Daiy Telegraph-ი იტყობინება.
“სანამ სამწვრთნელო კარიერას დავასრულებ, ისეთი კლუბის წინადადებაზე უარის თქმა, როგორიც “ჩელსია”, ძალიან გამიჭირდება. აქამდე, დასვენება მჭირდებოდა, რადგან ფეხბურთელის კარიერის დასრულებისთანავე ხომ სამწვრთნელო საქმიანობას შევუდექი. ახლა მუშაობისთვის მზად ვარ. რაც შეეხება “ჩელსის” წინადადებას, ბუნებრივია, იგი ჩემთვის მეტად მიმზიდველია. რა გამოვა ამ საქმიდან, რამდენიმე დღეში შევიტყობთ”, – აცხადებს დეშამი, რომელიც ფეხბურთელის რანგში “ჩელსის” ღირსებას 1999/2000 წლებში იცავდა. რაც შეეხება ფრანგის სამწვრთნელო კარიერას, იგი 2001-2005 წლებში “მონაკოს” წვრთნიდა და გუნდი 2004 წელს, ჩემპიონთა ლიგის ფინალში გაიყვანა, ხოლო 2006/2007 წლების სეზონში, ტურინის “იუვენტუსს” სერია B მოაგებინა.