ალბათ შენიშნეთ, რომ ჩემპიონთა ლიგის ფინალის შემდეგ პოდიუმზე მედლების მისაღებად დამარცხებული “ჩელსი” როცა ადიოდა, ფეხბურთელთა შორის უკრაინელი ფორვარდი ანდრეი შევჩენკო არ იყო. ავრაამ გრანტმა შევას ფინალში შეცვლაზე შესვლის საშუალებაც არ მისცა და ბუნებრივია, ფეხბურთელი ამით გახარებული ვერ იქნებოდა. პირველ რიგში კი, იმით, რომ მისმა გუნდმა მარცხი განიცადა.
მოსკოვიდან კიევში გამგზავრებამდე შევჩენკოს რუსი კორესპოდენტი ესაუბრა, მოკლე ინტერვიუს სრულიად წაკითხვაში გათავაზობთ.
- სად იყავი მატჩის დამთავრების შემდეგ?
- სად უნდა ვყოფილიყავი. გასახდელში ვიჯექი.
- ანუ, ძალიან გეწყინა, “ჩელსის” ტიტულის მოგებაში რომ ვერ დაეხმარე და მწვრთნელმა შანსი არ მოგცა?
- არა. მე ის მეწყინა, რომ “ჩელსიმ” ვერ გაიმარჯვა. “მანჩესტერ იუნაიტედის” პატივისცემის მიუხედავად, მინდოდა, ტიტული ჩემ გუნდს მოეგო.
- ჯერ “მილანი” შემდეგ “ჩელსი”… ეს შენი გუნდის მონაწილეობით უკვე მესამე საჩემპინთალიგო ფინალია. ყველაზე საინტერესო კი ისაა, რომ სამივე ფინალის ბედი თერთმეტმეტრიანების სერიამ გადაწყვიტა.
- დიახ, ასეთი უცნაური დამთხვევაა. ერთი ისაა განსხვავება, რომ პირველ ორ შემთხვევაში თერთმეტმეტრიანების ერთი შემსრულებელი მეც ვიყავი, მესამე ფინალს კი, თვალყურს მინდვრის ხაზს მიღმა მყოფი ვადევნებდი. თუმცა, ეს უკვე წრსულია და ჩემი აზრითმ მასზე ყურადღების გამახვილება არ ღირს.
