ოთხშაბათი, 22.11.2017, 17:39
მოგესალმები სტუმარი | RSS
მთავარი | რეგისტრაცია | შესვლა
საიტის მენიუ
სიახლეების განყოფილება
ვიდეოები [2]
ჰიმნი [1]
სურათები [2]
ისტორია [4]
ფილმი [3]
მინი-ჩათი
200
შესვლის ფორმა
სიახლეების კალენდარი
«  მაისი 2008  »
ორსამოთხხუთპარშაბკვ
   1234
567891011
12131415161718
19202122232425
262728293031
ძებნა
საიტის მეგობრები
ლინკები

ბანერები

  რომას ფან საიტი IP counter Top on A-Z.az
რეკლამა

სტატისტიკა

სულ ონლაინში: 1
სტუმარი: 1
მომხმარებელი: 0
chelsi blu
მთავარი » 2008 » მაისი » 18 » მნიშვნელოვანი ფაქტები
მნიშვნელოვანი ფაქტები
12:38
1959. ინგლისის ეროვნული ნაკრების რიგებში 1966 წლის მსოფლიოს ჩემპიონის, ჯიმი გრივზის დებიუტი შედგა. იმ მატჩში, ინგლისელები პერუს გუნდთან დამარცხდნენ (1:4). 1961. თბილისის “დინამომ” საერთაშორისო ამხანაგურ მატჩში, ბირმინგემის “ასტონ ვილას” 2:0 მოუგო. შეხვედრა თბილისში ჩატარდა. ორივე გოლი ზაურ კალოევმა გაიტანა. 1977. ტურინის “იუვენტუსმა” UEFA-ს თასის გათამაშების ფინალის განმეორებით მატჩში, ბილბაოში “ატლეტიკოსთან” 1:2 წააგო, მაგრამ პირველი შეხვედრა 1:0 ჰქონდა მოგებული და საპატიო პრიზი მოიპოვა. პაექრობა ბილბაოს “სან მამესის” სტადიონზე ჩატარდა და მას 43 ათასი მაყურებელი დაესწრო. 1981. ამერიკელმა მძლეოსანმა რობერტო ნეჰემიამ 110 მეტრი თარჯრბენით პირველმა გაირბინა 13 წამზე ნაკლებ დროში. 1983. ბრიუსელის “ანდერლეხტმა” UEFA-ს თასის გათამაშების ფინალის განმეორებით მატჩში, ლისაბონში “ბენფიკასთან” 1:1 ითამაშა (პირველი შეხვედრა ბელგიელებმა 1:0 მოიგეს) და საპატიო პრიზი მოიპოვა. თამაში ლისაბონის “ესტადიო და ლუჟზე” ჩატარდა და მას 80 ათასი მაყურებელი დაესწრო. 1988. ლევერკუზენის “ბაიერმა” UEFA-ს თასის გათამაშების ფინალის განმეორებით მატჩში, ბარსელონას “ესპანიოლს” 3:0 მოუგო. პირველი შეხვედრა ანალოგიური ანგარიშით ესპანელებმა მოიგეს. პენალტების სერიაში კი, ლევერკუზენელებმა იმარჯვეს და საპატიო თასი მოიპოვეს. 1994. “მილანმა” ჩემპიონთა ლიგის ფინალში, ათენის “ლუის სპიროსის” სტადიონზე, 70 ათასი მაყურებლის თანდასწრებით, “ბარსელონას” 4:0 სძლია. გოლები მასარომ (2), სავიჩევიჩმა და დესაიმ გაიტანეს. 2005. მოსკოვის ცსკა-მ UEFA-ს თასის გათამაშების ფინალში, ლისაბონის “ჟოზე ალვალადეს” სტადიონზე 46 ათასი მაყურებლის თანდასრებით, ადგილობრივ “სპორტინგს” 3:1 მოუგო და პირველი რუსული კლუბი გახდა, რომელმაც ევროთასი მოიპოვა. 2006. მაისის ბაშოზე ქართველმა სუმოისტმა კოკაიმ მეოთხე მაეგაშირა ტაკეკაძე დაამარცხა. 2007. საქართველოს საკალათბურთო ჩემპიონატი რუსთავის “აზოტმა” მოიგო. მანამდე რუსთაველებს ოთხჯერ ჰქონდათ ნათამაშები ტურნირის ფინალში, თუმცა მიზანს მხოლოდ მეხუთე ცდაზე მიაღწიეს. ფინალურ სერიაში, “აზოტმა” თბილისის “ავიამშენი” დაჯაბნა (85:75; 86:75; 85:63). მესამე ადგილზე კი თსუ გავიდა, რომელმაც თბილისის “დინამოსთან” გამართულ პაექრობაში იმარჯვა. ამ დღეს დაიბადნენ 1909. ფრედ პერი. ინგლისელი ჩოგბურთელი. უიმბლდონის ტურნირის სამგზის ჩემპიონი (1934-36). 1929. ბრანკო ზებეცი. იუგოსლავიის ნაკრების ფეხბურთელი (წარმოშობით ხორვატი). წვრთნიდა რამდენიმე ევროგრანდს, მათ შორის “ჰამბურგს”. სწორედ ზებეცის მეთაურობით დაამარცხეს ჰამბურგელებმა თბილისის “დინამო” 1979 წელს ჩემპიონთა თასის გათამაშების მერვედფინალში. ზებეცი 1988 წელს გარდაიცვალა. 1933. ვიქტორ ბუშუევი. საბჭოთა ძალოსანი. 1960 წლის ოლიმპიური თამაშების ჩემპიონი. მსოფლიოს სამგზის ჩემპიონი (1957-59). 1938. იგორ-ტერ ოვანესიანი. სიგრძეში ხტომაში მსოფლიოს ჩემპიონი. არაერთი მაღალი კლასის მძლეოსნის აღმზრდელი. 1950. როდნი მილბერნი. ამერიკელი მძლეოსანი. 110 მეტრზე თარჯრბენში 1972 წლის ოლიმპიური ჩემპიონი. 1951. ანჟელა ვოიგტი. გერმანიის დემოკრატიული რესპუბლიკის მძლეოსანი. ქალთა შორის სიგრძეზე ხტომაში 1976 წლის ოლიმპიური ჩემპიონი. 1960. იარი კური. ფინეთის ყველა დროის ერთ-ერთი საუკეთესო ჰოკეისტი. უეინ გრეცკის პარტნიორი “ედმონტონ ოილერზსა” და “ლოს ანჯელს კინგზში”. 1975. ირინა კარავაევა. ბატუტზე ხტომაში 2000 წლის ოლიმპიური თამაშების ჩემპიონი. 1977. დენი მილსი. ინგლისის ეროვნული და 21 წლამდელთა ნაკრებების, “ჩარლტონის,” “ლიდსისა” და “მანჩესტერ სიტის” ფეხბურთელი. 1977. ლი ჰენდრი. შოტლანდიის ნაკრებისა და ბირმინგემის “ასტონ ვილას” ფეხბურთელი. 1978. რიკარდუ კარვალიუ. პორტუგალიის ნაკრების, “პორტუსა” და ლონდონის “ჩელსის” ფეხბურთელი. ჩემპიონთა ლიგის გამარჯვებული (2004) და UEFA-ს თასის მფლობელი (2003). პორტუგალიისა (2003, 2004) და ინგლისის (2005, 2006) ჩემპიონი. პორტუგალიის თასის (2003), ინგლისის ლიგის (2005, 2007) და ფეხბურთის ასოციაციის (2007) თასების მფლობელი, აგრეთვე Community Shield-ის (2005) გამარჯვებული. ევროპის ვიცე-ჩემპიონი (2004). ამ დღეს გარდაიცვალა 1938. ძიგარო კანო. იაპონიის ოლიმპიური კომიტეტის წევრი. ძიუდოს ფუძემდებელი და ჭიდაობის ამ სახეობაში სპორტული ასპარეზობის წესების შემმუშავებელი. კანო 78 წლის ასაკში ეგვიპტის დედაქალაქ კაიროში გარდაიცვალა.
წყარო:msofsport.com
ნანახია: 552 | დაამატა: chelsi-blu | რეიტინგი: 0.0/0 |
სულ კომენტარი: 0
კომენტარის დამატება შეუძლიათ მხოლოდ დარეგისტრირებულ მომხმარებლებს
[ რეგისტრაცია | შესვლა ]
Copyright MyCorp © 2017