კლოდ მაკელელეს ეჭვი არ ეპარება იმაში, რომ ჩემპიონთა ლიგაში გამარჯვება “ჩელსის” მსოფლიოში პატივისცემას მოუტანს. მაკელელეს ამის განსასჯელათ საკმაოდ დიდი გამოცდილება აქვს - მას ჩემპიონთა ლიგის შვიდ ნახევარფინალურ მატჩში აქვს ნათამაშები და მოიგო კიდევაც სანატრელი ტიტული “რეალთან” ექვსი წლის წინ. ეხლა კი ფრანგი იმედოვნებს, რომ შეძლებს “მანჩესტერ იუნაიტედის” დამარცხებას მოსკოვში. მთელ თავის გამოცდილებას ის იმისთვის მოიხმარს, რომ “ჩელსიმ” პირველად მოიპოვოს ეს სანატრელი თასი. “იმ დროს მადრიდის “რეალი” მსოფლიოში საუკეთესო გუნდი იყო - და როგორც კლუბს მას ყველა პატივს სცემდა”, - აცხადებს საკუთარ მოსაზრებას ესპანუღი გრანდის 2002 წელს მომხდარი ტრიუმფის შესახებ. “ხალხი ხედავს გამარჯვებულებს და მათ ესმით: “ეს დიდებული გუნდია”. მახსოვს, ყველა კლუბს, რომელსაც უწევდა “რეალის” წინააღმდეგ თამაში ეშინოდათ”. “მათ იცოდნენ, რომ დამარცხდებოდნენ. კითხვა მხოლოდ ის იყო, თუ როგორი ანგარიშით- გაუტანენ მათ ოთხ გოლს, თუ ექვსს. კარგი იქნებოდა თუ ასეთ სიმძლავრეს “ჩელსიშიც” დავინახავდით”. “ძალიან რთულია ამ შეჯიბრებაში მოგება. მაგრამ ეს იქნება უდიდესი ბონუსი მოთამაშეებისთვისა და კლუბისათვის”. “გამარჯვება “ჩელსის” ევროპაში შეუდარებლად დიდ აღიარებას მოუტანს. კონტინენტის ყველა კლუბი გაცილებით ბევრ პატივს დაგვდებს”. “ეს ტიტული არის ევროპაშიც და მსოფლიოშიც გუნდის სიმძლავრის სიმბოლო. და რა თქმა უნდა მას უდიდესი მნიშვნელობა აქვს ყოველი მოთამაშისთვის”.