ინგლისურ პრემიერლიგაში აპრილის თვის საუკეთესო მწვრთნელად ლონდონის “ჩელსის” თავკაცი ავრაამ გრანტი, ხოლო საუკეთესო ფეხბურთელად “ასტონ ვილას” ნახევარმცველი ეშლი იანგი აღიარეს.
ამის შესახებ BBC იტყობინება.
გასულ თვეში, ავრაამ გრანტის ხელმძღვანელობით “არისტოკრატებმა” 4 მატჩიდან 1 ფრედ დაასრულეს, ხოლო 3 შეხვედრაში გამარჯვება მოიპოვეს, მათ შორის “მანჩესტერ იუნაიტედთან”.
რაც შეეხება ეშლი იანგს, ის აპრილში “ასტონ ვილას” სამი გოლით შეეწია.
გრანტი და იანგი საუკეთესოებად პირველად აღიარეს.
მარტის თვეში პრემიერლიგის საუკეთესო მწვრთნელის წოდება “მანჩესტერ იუნაიტედის” მთავარმა მწვრთნელმა ალექს ფერგიუსონმა მიიღო, ხოლო საუკეთესო მოთამაშედ მისივე შეგირდი კრიშტიანუ რონალდუ სცნეს.
|
