ლონდონის “ჩელსის” პორტუგალიელი მცველი რიკარდუ კარვალიუ, შესაძლოა, თავის გუნდს ინგლისის პრემიერლიგის ბოლო ტურში, “ბოლტონის” წინააღმდეგ ვერ დაეხმაროს. როგორც Sky Sports-ი იუწყება, კარვალიუ ყველაფერს აკეთებს, რათა კვირის მატჩში მონაწილეობა მოახერხოს, თუმცა, ამის შანსი არცთუ დიდია. გასულ ტურში, “ნიუკასლთან” გამართული შეხვედრის 79-ე წუთზე, კარვალიუ იმის გამო შეცვალეს, რომ 2-ჯერ ზურგზე მტკივნეულად დაეცა და მატჩის გაგრძელება ვეღარ მოახერხა. “ჩელსის” და “მანჩესტერ იუნაიტედს”, ინგლისის პრემიერლიგის დასრულებამდე ერთი ტურით ადრე 84-84 ქულა აქვთ, თუმცა, მანჩესტერელები ბურთების უკეთესი სხვაობის ხარჯზე პირველ ადგილზე იმყოფებიან. ბოლო ტურში “ჩელსი” საკუთარ მოედანზე “ბოლტონს” ეთამაშება, “მანჩესტერ იუნაიტედი” კი სტუმრად “უიგანს” შეხვდება.