ინგლისური “ჩელსის” ხელმძღვანელობამ, კოტ დივუარელი ფორვარდის დიდიე დროგბას კონტრაქტის გადახედვაზე უარი განაცხადა.
როგორც The Times-ი იუწყება, კოტ დივუარელი მიიჩნევს, რომ სხვა ფეხბურთელებთან შედარებით, მისი ხელფასი მცირეა. ამის გამო, დროგბამ ლონდონური კლუბის ხელმძღვანელობას ხელფასის გაზრდა მოსთხოვა, წინააღმდეგ შემთხვევაში კი, სხვა გუნდში გადასვლით დაიმუქრა.
“ჩელსის” ფეხბურთელის შენარჩუნება უნდა, თუმცა, ხელფასის გაზრდაზე არ თანხმდება.
30 წლის ფეხბურთელი, ბოლო დროს მილანში ხშირად იმყოფება, სადაც მან საკუთარი სახლი შეიძინა. გავრცელდა ინფორმაცია, რომ “მილანი” მას საკუთარ გუნდში გადასვლას შესთავაზებს.
|