ინგლისის “ჩელსი” მზად არის, გერმანიის ნაკრების ნახევარმცველ მიხაილ ბალაკს ახალი სამწლიანი კონტრაქტი შესთავაზოს. ამის შესახებ, ბრიტანული გამოცემა The Times-ი იუწყება. ფეხბურთელის მიმდინარე ხელშეკრულება ლონდონელებთან ერთი წლის შემდეგ მთავრდება და მის მიხედვით, ბალაკი კვირაში 121 000 ფუნტს იღებს. 31 წლის გერმანელი “ჩელსიში” 2006 წელს მიუნხენის “ბაიერნიდან” გადავიდა და 43 მატჩში 12 გოლი გაიტანა. გერმანიის ეროვნულ ნაკრებში მან 79 შეხვედრა ჩაატარა და მეტოქის კარი 35-ჯერ აიღო.