ინგლისის “ჩელსის” კაპიტანის ჯონ ტერის განცხადებით, გუნდის ამჟამინდელი მთავარი მწვრთნელი აბრაამ გრანტი კლუბში რამდენიმე წელიწადი აუცილებლად უნდა დარჩეს. ამის შესახებ, საფეხბურთო ინტერნეტ-გამოცემა Тransfermarketweb-ი იუწყება. “კლუბის ხელმძღვანელობა ვალდებულია, რომ გრანტთან ახალი კონტრაქტი გააფორმოს. მიმდინარე სეზონში, გუნდის მიერ ნაჩვენები შედეგები, მის მაღალ კლასზე მიუთითებს” - განაცხადა ლონდონელთა მცველმა. აბრაამ გრანტმა, “ჩელსის” მთავარი მწვრთნელის პოსტზე ჟოზე მაურინიო გასულ წელს შეცვალა. მანამდე, იგი პორტუგალიელი სპეციალისტის თანაშემწე იყო.